Bazuar në nenin 37, pika 1, i Ligjit nr. 80/2015 “Për arsimin e lartë dhe kërkimin shkencor në institucionet e arsimit të lartë në Republikën e Shipërisë”, në nenin 30, pika 1, të Statutit të UT-së, në propozimin e Zevëndës Rektorëve të Universitetit të Tiranës të mbështetur parimisht edhe nga Rektori i UT-së, në mbledhjen e datës 25.11.2021, Senati Senati Akademik i UT-së , Vendosi me Vendimin nr.48, datë 25.11.2021:” Për miratimin e ngritjes së Qendrës Virtuale të Zhvillimit Profesional dhe Trajnimit në UT”. Ndërrmarja e nismës për krijim dhe ngritjen e Qendrës Virtuale të Zhvillimit Profesional dhe Trajnimit të UT mbështetet së pari në një ndër ato elemente të autonomisë universitare të sanksionuara nga Kushtetuta e Republikës së Shqipërisë në nenin 57/7 të saj, dhe të garantuar nga ligji për arsimin e lartë, në nenin 3, ku pika 4/a e tij është edhe autonomia organizative që gëzojnë institucionet e arsimit të lartë për të organizuar strukturat dhe rregulluar mënyrat e ushtrimit të veprimtarisë së tyre.
Roli kryesor i kësaj strukture është të sigurojë që Universiteti i Tiranës të ketë një plan strategjik të përshtatshëm në mbështetje të qëllimit për zhvillimin profesional dhe trajnimit në mënyrë që ai të zbatohet në mënyrë efektive. Palët e interesuara, të cilave i shërbejnë dhe mbështeten në Universitetin e Tiranës për të mundësuar suksesin e tyre zgjerohen vazhdimisht në numër dhe diversitet dhe kanë më shumë pritshmëri. Plani strategjik i kësaj Qendre fillon me vizionin se çfarë aspiron të jetë Universiteti i Tiranës e çfarë duhet të bëhet, për të përmbushur misionin e tij në shoqëri. Ky vizion mbështetet në skanimin e gjerë të mundësive të zhvillimit të shoqërisë duke iu referuar edhe konsultimeve të herëpashershme me partner dhe grupet e interesit. Qendra e Zhvillimit Profesional ofrohet si mbështetje, për komunitetin akademik e jo vetëm për planifikimin e tyre institucional, me qëllim që t’i shërbejnë më mirë shoqërisë në vitet e ardhshme.
Për realizimin e objektivave specifike të Qendrës të Zhvillimit Profesional në UT, dhe për të konkretizuar të gjitha politikat e hartuara bazuar edhe në strategjinë e Universitetit të Tiranës, institucioni ynë në bashkëpunim si dhe mbështetur në sygjerimet e ekspertëve të huaj, po ndërrmer një sërë nismash për të konkretizuar punën e kësaj qendre, ku si hap i parë në lidhje me këtë u propozua ndryshimi i emërtimit të Qendrës Virtuale të Zhvillimit Profesional dhe Trajnimit në UT duke u zëvëndësuar me Qendra e Zhvillimit Profesional në UT.
Në lidhje me sa më lart, Senati Akademik i Universitetit të Tiranës, vendosi me Vendimin nr.19, datë 13.04.2023: ”Mbi ndryshimin e emërtimit të Qendrës Virtule të zhvillimit Profesional dhe Trajnimit, të Universitetit të Tiranës”, bazuar në ligjin Nr.80/2015 “Për arsimin e lartë dhe kërkimin shkencor në institucionet e arsimit të lartë në Republikën e Shipërisë”,neni 37, pika 1, në Statutin e Universittit të Tiranës neni 30, pika 1; si dhe në vendimin e Senatit Akademik nr.48, datë 25.11.2021 “Për miratimin e ngritjes së Qendrës Virtuale të Zhvillimit Profesional dhe Trajnimit në UT”, Senati Akademik i Universitetit të Tiranës në mbledhjen e datës 30.03.2023, të miratojë ndryshimin e emërtimit të Qendrës Virtuale të Zhvillimit Profesional dhe Trajnimit në Universitetin e Tiranës” në: Qendra e Zhvillimit Profesional në Universitetin e Tiranës.