Mbi “Info day”, lidhur me Europian Institute of Innovation and Technology datë 27.02.2025

Në kuadër të programit Horizon Europe lidhur me EIT (Europian Institute of Innovation and Technology), në përbërje të së cilit përfshihen shumë platorma mundësish jo vetëm për aplikime si konsorciume, por edhe mobilitete studentësh dhe kërkuesish, në fusha të ndryshme, më datë 27 shkurt 2025, ora 09.00 – 14.00, pranë Hotel Marriot, u zhvillua për Universitetin e Tiranës “Info Day” lidhur me EIT. Ky aktivitet u organizua në bashkëpunim me Ministrinë e Arsimit dhe Sportit, AKKSHI-in dhe Universitetin e Tiranës.

Qëllimi i mbajtjes së “Info Day”-it, ishte informimi, ndërgjegjësimi, ndarja e mendimeve mbi mundësitë dhe format e aplikimit, të përfitimeve që kanë kërkuesit shkencorë nga këto fonde, si dhe me mundësitë e rrjetëzimit.

 Një pjesë e rëndësishme e “Ditës së Informimit” ju kushtua prezantimit të modaliteteve të thirrjeve EIT, qasjes së EIT për krijimin e ekosistemeve të qëndrueshme të inovacionit si dhe praktikave më të mira nga KIC-të ekzistuese të EIT.

Në EIT Info Day u prezantuan gjithashtu informacion mbi projektet multilaterale të AKKSHI-së:

– Policy Answers,
– SEREN5,
– ERA Talent/Euraxess,
– 1Future etj.